لما حد رجله تتكسر بيكون يتوجع طبعا بس مش بيكون عنده هلع انه هيقدر يمشي طبيعي تاني لما الجبس يتفك ويعمل علاج طبيعي. ليه؟ لانه شاف وسمع وبأه في الوعي بتاعنا ان الكسر بتصلح بالجبيرة.
لما حد بأه بيصاب بالسرطان زيادة عن الوجع بيكون عنده هلع ان العلاج يفشل ويموت. في نماذج يعرفها شفيت وفي نماذRelated imageج لأ. بس بيمشي في رحلة العلاج غالبا وياخد الكيماوي ويعمل الجراحة لو تقررت ويفضل يعافر مع المرض لحد ما يخف أو ربنا يسترد وديعته.
بالنسبة للأمراض النفسية وبخاصة الاكتئاب الموضوع مختلف شوية لأنه مجهول. اولا اعتراف الانسان انه مريض دي مشكلة لوحدها. لان مفيش تحاليل زي السرطان ولا في اشعة زي كسر الرجل. لأ دي حاجة مبنية على رأي طبيب استخلص معلومات منك وبنى عليها حكمه. فأنك تصدق الدكتور وتقتنع أنك مريض وتوصل لمرحلة أنك بتدعي ربنا بالشفاء وبتتصدق بنية الشفاء دي مرحلة لوحدها.


ثانيا بأه بعد اقتناعك أنك مريض يجي الهلع يا ترى ممكن أخف تاني وارجع زي الاول. يا ترى ممكن أحس تاني. يا ترى ممكن اطلع من الحفرة دي ولا هافضل طول عمري معتمد على الادوية المضادة للاكتئاب. غالبا مفيش اجابة
ليه؟ عشان متعرفش. رغم ان ١ من كل ٤ يعني ٢٥٥ في المائة من الناس عندهم اكتئاب مرضي لكن محدش بيقول انه جاله اكتئاب وانه بيتعالج وأنه تم شفائه أو لسه بيتعالج. محدش بيتكلم.
أنت لو ابن اخت زوج بنت عمتك جاله سرطان بتعرف. لو موظف في قسم تاني مش بتشوفه اصلا الا صدفة رجله اتكسرت بتعرف وتلاقي الناس بتلم له فلوس هدية في ظرف شيك كده. لكن في الاكتئاب ممكن أخوك أو بنتك أو زوجك يكون بيتعالج أو اتعالج منه وانت متعرفش.
في زي عار اجتماعي مصاحب لمرض الاكتئاب ليه؟
عشان مريض الاكتئاب بيخاف قوي من ان الناس تحكم عليه انه فاشل او كسلان او هو اللي جابه لنفسه.
رغم ان برضه مريض سرطان الرئة ممكن يكون هو اللي جابه لنفسه بالتدخين بس الناس مش بتعامله أنه مذنب.
نتيجة لده بتتخلق حالة من الجهل في الوعي الاجتماعي بمرض الاكتئاب ومهما الناس كتبت عن أعراضه وطرق العلاج الخ الخ عمر ده ما بيكون زي التجربة الشخصية اللي نعرفها من خبرتنا في الحياة.
انا شخصيا من أشد المؤمنين أن الاكتئاب بيتعالج وأن الناس ممكن تتطلع من حفرته وممكن تكون في حالة أحسن كتير من الأول كمان أو ممكن حياتها تفضل زي ما هي بس نظرتها للحياة تتغير.
جبت القناعة دي منين؟
عشان عشتها بشكل شخصي وعشان شفتها في ناس كتير.
شفت ناس حاولت تنتحر أكتر من مرة وكانت في قاع القاع ودخلوا مستشفى الأمراض النفسية كمان ودلوقتي بعد كام سنة وقفوا على رجلهم تاني ومش ممكن حد يتخيل أن الشخص ده كان مريض اكتئاب.
بس هم مش بيتكلموا ومش بيحكوا وده حقهم طبعا
وللأمانة في ناس برضه تحول الاكئتاب معاهم لمرض مزمن وفضلوا يعتمدوا على الأدوية طول عمرهم بس هي الفكرة أنهم من غير العلاج كانوا هيبقوا فين؟ متخيلين حد عنده سكر ورافض يأخد الأننسولين ايه اللي هيحصل له؟ ايوه الاكتئاب ممكن يتحول لمرض مزمن بس ده مش معناه نهاية الحياة. عادي زي ما في ناس عايشة بالضغط والسكر، في ناس عايشة بالاكتئاب والأدوية هي اللي بتعمل توازن للهرمونات باستمرار بحيث يقدروا يمارسوا حياتهم.
فالنموذج الأولاني موجود اللي تم شفائه تماما والنموذج التاني موجود برضه. في الحالتين المريض لازم يتعالج والناس اللي حوله لازم تشجعه يتعالج عشان يتطلع من الحفرة أو على الاقل يعرف يتعامل معها.
شخصيا مشكلتي اني لما بأقابل حد في نفس الحفرة ويرفض يتعالج عشان مفيش أمل جواه أن حاجة تتغير، مهما حكيت لهم عن النماذج دي مش بيكون زي الوعي الاجتماعي ابدا.

About Dina Said

دينا سعيد حاصلة على الدكتوراة من قسم علوم الحاسب، بجامعة كالجارى في كندا، كما أنها أحدى مؤلفي كتاب "من أوروبا البلد" . دينا لديها شهادات كندية معتمدة في تقديم المساعدة الأولية للأمراض النفسية والتعامل مع حالات الانتحار ومساعدة المجتمع بالاضافة إلى أنها حاصلة على عدة جوائز تقديرا لدورها في المجال التطوعي بكندا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s