في كل المرات السابقة اللي نزلت فيها مصر كنت بأرجع اقعد أسبوع على الأقل متنحة ومكتبئة ومش مستوعبة أن اهلي مش معايا.. عادة برضه بعد الرجوع بيوم بالكتير بيجلي برد جامد معرفش ليه..مش من تغيير الهوا لأن وأنا رايحة هناك مش بيجيلي برد..
ساعات الحالة دي بتستمر حوالي شهر لحد ما ادخل في السيتسم وأنسى أو اتناسى …
اكتشفت ان ناس كتير بتجي لها نفس الأعراض دي حتى مش مصريين ولا عرب. كل واحد يرجع بلده اجازة بيكون عنده اكتئاب فور عودته بعكس اي اجازة تانية بتقضيها في اي حتة غير بلدك وده خالني اسميها
Post vacation at home syndrome
المشكلة بأه أن مع كل ده وبسبب الخلافات السياسية والاجتماعية والدينية الحالية في أوطاننا، بتزيد على الأعراض دي بشكل مخيف أحيانا
احساس بالعجز او اليأس .. او احساس بفقد الهوية.. احساس أنك مش عارف تنتمي لهناك ولا لهنا ولا لأي مكان.. كمية لخبطة مشاعر واسئلة
وجودية لا تنتهي..


احساس ان الغربة أصبحت مرض مزمن لديك، كتب عليك أن تشعر به طوال الوقت سواء كنت هناك أو هنا..
مش عارف عدت ترجع زي زمان قبل ما تسافر ولا عارف تكون زي الناس اللي هناك ولا زي الناس اللي هنا ولا زي أي حد..
تجد نفسك قد اصبحت شيئا مختلفا أنت نفسك مش فاهمه عشان الناس تفهمه..
مش شرط ان دي حاجة وحشة. بالعكس ده دليل أنك بتتغير وبتتأثر بالتجارب الجديدة التي تمر عليك..
بس المشكلة انك محتاج وقت عشان تفهم اللي حصل جواك.. محتاج وقت عشان تتعايش مع نفسك وتفهم الخليط الجديد الذي صرته..
بتخاف تفكر قوي أحسن توصل لنهاية انت مش عاوزها..
فبتحاول تهرب وتهرب وتهرب..
لكن جواك ثقب أسود يشدك بأسئلة لا حصر لها..
وبتحس ان محتاج بعد الأجازة اجازة عشان بس تفصل وتشد الفيشة شوية…
بس الحياة لا يمكن أن تتوقف وتستنى سيادتك لما تفوق..
فعشان كده بتضطر تجري معها وأنت بتحاول تنسى أنك كنت هناك..
اعتبره حلم أو كابوس او مزيجا بين الاثنين..
وتحاول تشوف النقطة اللي كنت عندها قبل ما تسافر مصر وتعمل

restore

بس أكيد ده برضه مش حل..
مجرد تأجيل لميعاد العاصفة، مش أكتر..

Advertisements

About Dina Said

دينا سعيد حاصلة على الدكتوراة من قسم علوم الحاسب، بجامعة كالجارى في كندا، كما أنها أحدى مؤلفي كتاب "من أوروبا البلد" . دينا لديها شهادات كندية معتمدة في تقديم المساعدة الأولية للأمراض النفسية والتعامل مع حالات الانتحار ومساعدة المجتمع بالاضافة إلى أنها حاصلة على عدة جوائز تقديرا لدورها في المجال التطوعي بكندا

One response »

  1. الحقيقه ده شعوري ايضا وحصل معي اكتر من اجازه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s