تواترت الأنباء أن السيسي قال للشيخ محمد حسان ووفد العلماء الذين توسطوا قبل فض رابعة أن المشروع الاسلامى مشروع فاشلتت وأنه لن يسمح بوصول ممثلوه للحكم فى مصر أيا كان، وبصرف النظر عن مدى اقتناعى الشخصى بالمشروع الاسلامى لكن أنا كان نفسى حد يرد عليه ويقوله:

وماذا عن المشروع العسكرى؟ ناجح جدًا مش كده؟

مصر بقالها 60 سنة بيحكمها الجيش مش الأخوان ولا السلفيين ولا الليبرالين ولا العلمانيين ولا بياعين الفجل…بيحكمها ايه؟ الجيش…

طيب مصر وصلت لإيه؟
ذيل الأمم فى تقريبا كل الاحصائيات الدولية الخاصة بالتعليم والصحة وحقوق الانسان والاقتصاد والتنمية وووو
وبالنسبة للأخوة بتوع تقسيم مصر: مصر فقدت فى هذه السنين السودان اللى تقسمت بدورها..وفقدت كمان قطاع غزة اللى كان تحت الحكم المصرى بعد 1948… وشبه فقدت سيناء يعنى لو كنتم شايفين أن سيناء رجعت بجد مصرية بالكامل.

مين المسئول؟
متقوليش الشعب… ﻷن أى شعب فيه نسبة طبيعية قادرة على النهوض به..
الفكرة أنه بسبب جبروت الحاكم وظلمه (اللى هو قادة الجيش) ساءت الأحوال الاقتصادية والأمنية والاجتماعية، وبالتالى معظم النسبة دى هاجرت بره أما فى أوروبا وأمريكا أو دول الخليج.
واللى فضل منهم ميعروفوش تزق العجلة فالوضع ازداد سوءا وبقت حلقة مفرغة…
نرجع تانى أن المشكلة فى الحاكم ونظامه اللى اثبت فشله طول 60 سنة…

فشل ليه؟
ﻷنه لا يقبل التعددية ..لا يعترف ألا بفكره وبرأيه وتوجهه ومتخيل نفسه إله على الأرض هو فقط من يحدد الصح من الغلط حسب مزاجه الشخصى..ومسخر كل أجهزة الدولة فى تأمين الحاكم والتمجيد له ومطاردة المعارضة وتشويهها والنيل منها.. فبالتالى محدش فاضى لشغلته الحقيقية فى حماية الأمن من المجرمين واللصوص وتجار المخدرات..بل على العكس يتم التحالف أحيانا بين الأمن وتجار المخدرات واللصوص والبلطجية لمواجهة ما يُسمى بالإرهاب..محدش فاضى ألا لتنفيذ رؤية الاله الأوحد اللى هى غالبا غلط…
دول العالم المتقدمة فيها حاجة اسمها مراكز صنع القرار وفى طبعا ممثلين للشعب فى المجالس الانتخابية..مينفعش اوباما يصحى الصبح يقرر يعمل قانون جديد ..فى مصر أو أى دولة عسكرية: الرئيس بيقرر وكل اللى باقى بيكون تحصيل حاصل..تصويت صورى ومقالات تشيد بحكمة القرار وخلاص..
انا وبس اللى بأفهم وأنتم كلكم حمير قصدى نور عنيه.

طيب المواطنين الشرفاء الذين تضرروا من النظام بشكل شخصى بسبب تدهور الحالة الاقتصادية والأمنية والاجتماعية، إزاى يكونوا مع استمرار نفس النظام؟

آه ﻷن الفزاعة أما أننا نستمر أو تتحول مصر للعراق أو سوريا.. فأنت بتختار بين خراب محتمل (فى حالة استمرار النظام) أو بين خراب مؤكد فى حالة تفككه..

الظريف أن أمثلة سوريا والعراق تحديدا هى الأمثلة التى تشبث فيها النظام بالحكم والنظام الديكتاتورى…يعنى لماذا لا ننظر أن سبب وصول هذه البلاد لما وصلت اليه هو حماقة بشار وصدام حسين واستبدادهم بشعبهما؟
طيب هو مين المسئول الأول عن تقسيم السودان؟ مش البشير؟
متقولش أصل المؤامرات الخارجية والداخلية..المؤامرات موجودة على طول.. لكن الحاكم الغبى هو الذى يكون بذاته جزء من المؤامرة عن طريق قمع شعبه أو جزء منهم والوصول بهم لحافة الهاوية.

طيب يعنى بالمنطق برضه استمرار النظام فى مصر هو اللى هيوصلنا لحالة مشابهة بالعراق أو سوريا وليس العكس.. ﻷن الدنيا تغيرت عن أيام عبد الناصر ومش هينفع بعد الدم ده كله، الناس تحط فى بقها جزمة وتسكت… أنت متخيل أن بأه يتقال على الجيش والشرطة فى مصر فى الاعلام الموالى للأخوان: قوات الانقلاب؟ حاجة كده زى قوات الاحتلال.. هتشتم وتقول يبقى السيسي معاه حق..راجع أقرا الفقرة السابقة ونتقابل بعد سنة ومصر بقت سوريا…

عاوزك بس تشيل من دماغك شوية فزاغة الأخوان والارهاب والكلمتين بتوع التليقزيون دول وتفكر فى النظام نفسه..عمل لك ايه؟ وصل مصر لايه بعد 60 سنة؟ أنت نفسك أضريت منه ولا متضررتش منه؟ هيفرق ايه السيسي عن مبارك عن أى واحد تانى منهم بيحمى نفس شبكة المصالح والفساد؟

عمر البلد دى ما هتقوم لها قومة إلا لما يكون فيها نظام تعددى يرعى حقوق الجميع ويرجع ولو جزء من العدالة ..غير لما يكون فيها مكان لكل واحد…

أنا معنديش حل دلوقتى…بس مبدئيا الحل مش فى السيسي..الحل مش فى الجيش..الحل مش فى دولة العسكر..عشان الغبى هو اللى يكرر نفس الفعل مرتين (مش سبعة) ويتوقع نتيجة مختلفة.

ملحوظة:
السبعة هم : – مبارك – المجلس العسكرى — صدام حسين – بشار الأسد – القذافى- البشير – السيسي .. كلهم ضباط جيش فى وقتنا المعاصر

About Dina Said

دينا سعيد حاصلة على الدكتوراة من قسم علوم الحاسب، بجامعة كالجارى في كندا، كما أنها أحدى مؤلفي كتاب "من أوروبا البلد" . دينا لديها شهادات كندية معتمدة في تقديم المساعدة الأولية للأمراض النفسية والتعامل مع حالات الانتحار ومساعدة المجتمع بالاضافة إلى أنها حاصلة على عدة جوائز تقديرا لدورها في المجال التطوعي بكندا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s