ممكن تعتبروا اللى بيتقال دلوقتى شوية دردشة..تنفيس..أى حاجة

– هل من مصلحة مرسى أنه يقتل ويضرب الناس فى محمد محمود ويقلب الناس عليه؟
أكيد لا

-طيب هى الداخلية بتعمل كده ليه؟
يا أما نظرية المؤامرة (عاوزين يفشلوا الرئيس)
يا أما بيدافعوا عن نفسهم

-طيب شهادات الكثيريين أن بعض المتظاهرين معاهم ملوتوف وحجارة وهم اللى بدأوا أو التانين هم اللى بدأوا…مش فارقة..المهم المتظاهرين بيعملوا عنف ليه؟
يا أما رايحين يجيبوا حق اللى ماتوا قبل كده
وممكن يكون منهم ناس طرف ثالث عاوزة تولع الدنيا عشان تثبت أن مرسى زى مبارك

-طيب نفترض الأفتراض الأول: هو حق الناس اللى ماتت يتجاب العنف؟
ما هو مفيش سكة تانية…الناس طلعت براءة والعدالة مش هتتحقق إلا بالدراع

-طيب وضباط وعساكر الداخلية المفروض يتفرجوا يعنى وفى ناس بتمارس عنف؟
ما هم اللى بدأوا أصلا…المظاهرة كانت سليمة

-طيب نفترض أن بعض العساكر بدأت بالهجوم كده من نفسها لسبب أو لآخر
وأن اللى هناك بيدافعوا عن نفسهم بس مش أكتر وبيضربوا فى الكل.
بقية العساكر المفروض تقف ساكتة ولا تضرب فى زميلاها

-طيب سؤال ثانى هو اللى نازل مظاهرة سليمة ولاقها قلبت عنف
ممشاس ليه؟
عشان يجيب حق اللى مات واتصاب
أو عشان يمنع المواجهة

– طيب عيد بأه كل الكلام السابق على أحداث السنة اللى فاتت فى محمد محمود
مش منطبق تمامًا ؟
طيب وصلنا لنتيجة من السنة اللى فاتت..أيوه عصام شرف مشى والمجلس العسكرى قدم ميعاد الانتخابات
يعنى كل الأرواح والعيون اللى راحت دى عشان بس نقدم ميعاد الانتخابات
والجنزورى يجى مكان عصام شرف؟
-طيب يا ترى إبه مطالب المرة دى؟
العدالة والقصاص
ولا المطلب الذى يتردد الآن أن مرسى يمشى والنظام يسقط
– طيب بفرض أن مرسى مشى ولا قنديل مشى
تفتكر أن حال البلد هيتصلح
يعنى مثلا اللى حصل ده مش هيحصل تانى وتالت ورابع مع أى رئيس أو رئيس وزراء هيجى
ويطلع ناس كل مرة تشتعلل المظاهرات (سواء من الداخلية سواء من المتظاهرين)
والدم يسيل تانى وتطلع ناس تتاجر بالدم وتطالب بأن الرئيس أو رئيس الوزراء يمشى

ونفضل فى دائرة جهنم هذه للأبد
مش هتفرق بأه الرئيس أخوانى ولا سلفى ولا ليبرالى ولا اشتراكى
كلها تفاصيل صغيرة
لكن الدائرة الكبيرة لن تتغير
بس المشكلة أن أحنا كل ما بنلف فيها: ناس بتموت والاقتصاد بيتدهور
والديون بتزيد والناس بتكفر بالثورة والنخبة والديمقراطية وأى شعارات
وكلام فى الهوا

About Dina Said

دينا سعيد حاصلة على الدكتوراة من قسم علوم الحاسب، بجامعة كالجارى في كندا، ومشاركة فى العديد من الأنشطة التطوعية، حيث أنها نائب رئيس منظمة OWN IT Institute of Canada الغير ربحية كما أنها واحدة من مؤلفي كتاب "من أوروبا البلد" دينا لديها شهادات معتمدة في تقديم المساعدة الأولية للأمراض النفسية والتعامل مع حالات الانتحار ومساعدة المجتمع

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s