يُحكى أن شعبًا قررت مجموعة منه تقوم بثورة..وبعد الثورة حصلت مشاكل كتير فاللى لم يقموا بالثورة قعدوا يلموا فى اللى قاموا بالثورة ويقولوهم أدى اللى خدناه من الثورة.
يُحكى أن نفس الشعب خيروه فى استفتاء بين “نعم” و”لا”…الأغلبية اختارت “نعم” سواء عن علم أو جهل…اللى اختاروا “لا” سموا نفسهم “أحنا اللى قلنا لا” …وكل ما حاجة تحصل فى البلد يعايروا اللى قالوا “نعم” ويقولوهم مش قلنا لكم أن

“لا” أحسن والتانين يردوا عليهم “لا” على فكرة كانت هتبقى أسوأ بكتير
خلصنا من فيلم “نعم” و”لا”
دخلنا فى فيلم الانتخابات
يُحكى أن نفس الشعب تشتت أصوات الثوار غير المنتمين للإسلام السياسى فيه بين “حمدين” و”أبو الفتوح”مما أوصلنا للتصفية بين “مرسى” و “شفيق”
فقعد أنصار “حمدين” يلوموا فى أنصار “أبو الفتوح” وأنصار “أبو الفتوح” يلوموا فى أنصار “حمدين”
المهم انقسموا فى النهاية ما بين عصر الليمونة والتصويت ل”مرسى” أو المقاطعة
وفى النهاية فاز “مرسى” بشق الأنفس

ثم بدأت تحدث أخطاء من الحكومة وكوراث بسبب الإهمال والفساد..فاللى قاطعوا قاعدوا يلموا فى اللى عصروا على نفسهم ليمونة..ويقولوا أنتم السبب فى اللى أحنا فيه
طيب
على فكرة هم لو مكنوش عملوا كده كان شفيق هيكسب وكانت هتفضل الكوارث والأخطاء والإهمال والتسيب ولكن مضروبين فى 100

طيب هو الخطا فى الثورة ولا فى اللى قالوا نعم ولا فى عدم اتحاد حمدين وأبو الفتوح ولا فى ان البرادعى انسحب من الانتخابات الرئاسية ولا فى اللى عصروا ليمون ولا فى مين بالظبط

أقولكم على حاجة قال رسول الله (ص): لا تقل لو أنى فعلت كذا لكان كذا وكذا ولكن قل قدر الله وما شاء فعل

هذا هو الوضع الحالى..مرسى رئيسًا للحمهورية لمدة 4 سنوات…قدرنا…ممكن كفاية بأاااااااااه لوم وعتاب ومزايدات سياسية ونتعامل مع هذا الوضع بشىء من المسئولية ..بمعنى آخر ..كل واحد يشوف شغلته إيه فى إصلاح البلد ويعملها ..
ﻷننا لن نظل فى هذه الفرقة والاستقطاب السياسى للأبد

دينا سعيد
17-11-2012

About Dina Said

دينا سعيد حاصلة على الدكتوراة من قسم علوم الحاسب، بجامعة كالجارى في كندا، كما أنها أحدى مؤلفي كتاب "من أوروبا البلد" . دينا لديها شهادات كندية معتمدة في تقديم المساعدة الأولية للأمراض النفسية والتعامل مع حالات الانتحار ومساعدة المجتمع بالاضافة إلى أنها حاصلة على عدة جوائز تقديرا لدورها في المجال التطوعي بكندا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s