أفكر فى حملة لتعليم مذيعى القنوات العربية أن ما يكتبه
 الإنسان على صفحته على الفيس بوك أو حتى الموجود
فى الويكيبيدا عنه لا يشترط أن يكون حقيقى..وأن  مينفعش حضرتك تستضيف واحد وتقدمه للناس على أنه “استشارى أمراض الأستبحس” من غير ما تتأكد من شهادته وتسأل وزارة الصحة عنه ويجب أن يردوا عليك نه دكتور متخصص فى الاستبحس..مش يطلع ممارس عام ولا متخصص فى “حتى” وأنت جايبه يفتى فى الاستبحس…ليه؟ الناس هتصدقك و
هتروح لصفحته على الفيس بوك ويبتدى ينصب عليهم

وكمان مينفعش تقدم واحد على أنه “مؤسس علم البنتجان”…من غير ما تسأل أى حد فى المركز العلمى للزراعة (اللى البتنجان تبعها) إذا كان الكلام اللى بيقوله الأخ ده اسمه علم ولا حلبتشى..


ومينفعش تقعد طول الحلقة تنفخ فى واحد وتقوله يا دكتور ..وهو طالب فى كلية طب أو صيدلية ..يعنى غير مرخص له بالعمل..ليه؟ ﻷن الناس هتصدق أنه دكتور
وهتروح على الفيس بوك تسأله…
هتقولى ..الناس هى اللى غلطانة
هأقولك الإعلام عليه مسئولية إعلامية…لما تنفخ فى مطربة ولا ممثلة وتقول عليها نجمة الجماهير وصاروخ الجمال..

 

محدش هيضر..
لكن لما تنفخ فى واحد وتبينه أنه عالم واستشارى ودكتور…ناس كتير ممكن تتضر
وعلى فكرة البلد فيها علماء كتير بجد..بس واضح أن النصابين لهم سكة فى الوصول للبرامج والأخوة المعدين والمذيعيين بيستسهلوا
ويا ريت بدل ما تقعدوا فاتحين بقكم ومنبهرين بكلام عبيط..تقرأوا شوية عن الموضوع الذى تقدموه..عشان بقت حاجة تكسف..
ناس بتقول أى كلام ولو ناقشت أى حد فيما يقولونه..يقولك ما هو بيطلع فى التليفزيون والمذيعيين قعدوا يهزوا رؤسهم طوال الحلقة ويقولوا كلام جميل قوى والأغرب
أن فى ناس من الناصبين دول لهم أصبح لهم برامج تليفزيونية.
والله أحسن تسيبوا ساعات الإرسال فاضية والتليفزيون يعمل اشششش زى زمان ولا أنكم تعرضوا المهازل دى على الناس ليل نهار
أحنا بقينا ولا فى عالم سمسم

About Dina Said

دينا سعيد حاصلة على الدكتوراة من قسم علوم الحاسب، بجامعة كالجارى في كندا، ومشاركة فى العديد من الأنشطة التطوعية، حيث أنها نائب رئيس منظمة OWN IT Institute of Canada الغير ربحية كما أنها واحدة من مؤلفي كتاب "من أوروبا البلد" دينا لديها شهادات معتمدة في تقديم المساعدة الأولية للأمراض النفسية والتعامل مع حالات الانتحار ومساعدة المجتمع

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s